Бишкек, 14.08.25. /Кабар/. Россия өкмөтүнүн төрагасы Михаил Мишустин Кыргызстанга расмий сапар менен келди.
Жогорку даражалуу конокту “Ысык-Көл” эл аралык аэропортунан министрлер кабинетинин төрагасы Адылбек Касымалиев тосуп алды.
Анда килем төшөлүп, ардактуу кароолдун ротасы тизилди.
Белгилей кетсек, расмий сапардын алкагында министрлер кабинетинин төрагасы Адылбек Касымалиев менен кыргыз-орус күн тартибиндеги бир катар маселелердин жыйындысы каралаары, анын ичинде соода-экономикалык мамилелер, биргелешкен долбоорлорду ишке ашыруу жана интеграциялык бирикмелердин алкагындагы аракеттерди координациялоо боюнча эки тараптуу сүйлөшүүлөр жүргүзүлөөрү күтүлүүдө.
Сапардын алкагында президент Садыр Жапаров менен Россия өкмөтүнүн төрагасы Михаил Мишустиндин жолугушуусу пландалган.
