Бишкек, 27.06.25. /Кабар/. Россиянын тышкы иштер министри Сергей Лавров 28-29-июнда расмий иш сапары менен Кыргызстанга келет. Бул тууралуу Кыргызстандын тышкы саясий ведомствосунан билдиришти.
Маалыматка ылайык, ал тышкы иштер министри Жээнбек Кулубаевдин чакыруусу боюнча келүүдө.
Иш-сапардын алкагында эки өлкөнүн тышкы саясат ведомстволорунун башчыларынын сүйлөшүүлөрү пландалып, анда кыргыз-орус стратегиялык өнөктөштүктүн жана союздаштыктын актуалдуу маселелери, ошондой эле эки тараптуу өз ара аракеттенүүнүн жана эл аралык күн тартибинин негизги аспектилери талкууланат.
