Бишкек, 12.07.26. /Кабар/. Каракол шаарынын аймагында жапайы өскөн кара куурайларды аныктоо жана жок кылууга багытталган ”Кара-курай” аталышындагы масштабдуу профилактикалык иш-чара өтүүдө. Бул тууралуу облустук милициядан билдиришти.
Маалыматка ылайык, рейддин алкагында шаардын тоо-талаа өрөөндөрүндө жапайы кара куурай өскөн очоктуу аймактар аныкталып, тазалоо жана чаап, жок кылуу иштери жүргүзүлүүдө. Бул багыттагы иштер атайын техникалардын жана кол эмгегинин жардамы менен ишке ашырылууда.
Иш-чарага төмөнкү кызматтар катышууда:
- Каракол шаарынын мэриясынын өкүлдөрү;
- Шаардык ички иштер бөлүмүнүн (ШИИБ) кызматкерлери;
- ИИМдин Баңгизаттарды мыйзамсыз жүгүртүүгө каршы күрөшүү кызматынын адистери.
“Кара-курай” иш-чарасынын негизги максаты — баңгизат каражаттарын мыйзамсыз даярдоого жана жайылтууга шарт түзгөн жапайы кара куурай өскөн аймактарды өз убагында аныктап, жок кылуу, ошондой эле баңгизаттардын мыйзамсыз жүгүртүлүшүнө бөгөт коюу болуп саналат”, — деп айтылат маалыматта.
