Бишкек, 23.03.26. /Кабар/. Президент Садыр Жапаровдун тапшырмасы менен Ош шаарындагы Ак-Буура дарыясында ири тазалоо иштери уланууда. Бул тууралуу Өзгөчө кырдаалдар министрлигинен билдиришти.
Күн мурун министр Канатбек Чыныбаев жумушчу сапарынын алкагында аталган дарыянын тазалоо иштеринин жүрүшү менен таанышты.
Тазалоо иштерине министрлик тарабынан зарыл болгон бардык күч-каражаттар жана атайын техникалар толук көлөмдө бөлүнгөн.
Министр кызматкерлерге ишти ыкчам, сапаттуу жүргүзүүнү, жоопкерчилик менен иштөөнү тапшырды.
"Жыйынтыгында дарыянын 17 чакырым аралыгы таштандылардан толук тазаланып, тартипке келтирилет", - деп айтылат маалыматта.
