Бишкек, 19.09.25. /Кабар/. Президенттин Баткен облусундагы ыйгарым укуктуу өкүлүнүн биринчи орун басары Бактыбек Токсонбаев БУУнун башкы катчысынын Борбор Азия боюнча атайын өкүлү Каха Имнадзе жана БУУнун Өнүктүрүү программасынын Кыргызстандагы координатору Антье Граве менен жолугушту.
Өкүлчүлүктөн билдиришкендей, жолугушууда Баткен облусунун социалдык-экономикалык өнүгүүсү, аймактагы туруктуу тынчтыкты камсыздоо аракеттери жана БУУнун Тынчтыкты орнотуу фондусунун мүмкүнчүлүктөрү талкууланды.
Тараптар тынчтыкты чыңдоо үчүн маданий алакаларды жана жаштардын, аялдардын долбоорлорго катышуусун күчөтүү керектигин белгилешти.
Жетекчилер мындан ары дагы кызматташууга даяр экендиктерин айтышты.
