Бишкек, 10.11.26 /Кабар/. Президент Садыр Жапаровдун эл менен жолугушууларында көтөрүлгөн маселелерди чечүү боюнча тапшырмалардын негизинде Баткен облусунда бир катар көйгөйлөр жеринде каралды.
Президенттин өкүлчүлүгүнөн билдиришкендей, бүгүн облус башчысы Мамыржан Рахимов Кадамжай жана Баткен райондорунан мамлекет башчысына кайрылган жарандардын маселелери менен жеринен таанышты.
Атап айтканда, Кадамжай районундагы Баяман баатыр мал базарынын абалы, анын ишмердүүлүгүндөгү көйгөйлөр жана соода жүргүзүүгө шарттарды жакшыртуу маселелери каралды.
Ошондой эле Баткен районунун Ак-Турпак айылындагы карьерге байланыштуу көйгөйлөр, жергиликтүү тургундардын кызыкчылыктары жана маселени мыйзам талаптарына ылайык жөнгө салуу жолдору талкууланды.
Мамыржан Рахимов тиешелүү жетекчилер менен биргеликте маселелерди чечүү жолдорун карап, алардын аткарылышын камсыздоо боюнча тапшырмаларды берди. Өкүлчүлүктүн маалыматына караганда, көтөрүлгөн маселелердин дээрлик чечүү жолдору аныкталды.
Бул иштер жарандардын кайрылууларын жеринде иликтөө, көйгөйлөрдү чечүү жана берилген тапшырмалардын аткарылышын көзөмөлдөө максатында жүргүзүлүүдө.
