Бишкек, 10.11.26 /Кабар/. Баткен шаарында курулуп жаткан 10 миң орундуу стадиондун жана 100 орундуу мейманкананын монолиттик темир-бетон конструкцияларындагы бетондун бекемдиги текшерилди.
Курулуш министрлигинен билдиришкендей, текшерүү иштеринин жүрүшүндө бетондун бекемдик мүнөздөмөлөрүн аныктоо үчүн Кашкаров балкасы колдонулду. Анын жардамы менен монолиттик темир-бетон конструкцияларынын сапаты жана алардын долбоордо белгиленген көрсөткүчтөргө шайкештиги бааланат.
"Мындай текшерүүлөр курулуп жаткан объектинин сапатын жана ишенимдүүлүгүн камсыз кылууда, ошондой эле белгиленген курулуш ченемдеринин жана долбоордук чечимдердин сакталышын көзөмөлдөөдө маанилүү роль ойнойт",-деп айтылат маалыматта.
