Бишкек, 09.10.25 /Кабар/. Жайыл районунун Петропавловка айылындагы Маданият үйүнүн алдындагы аймак көрктөндүрүлөт.
Курулуш министрлигинен билдиришкендей, Жайыл райондук башкармалыгынын архитекторлору тарабынан көрктөндүрүү боюнча эскиздик долбоор иштелип чыкты.
Көрктөндүрүү иштеринин жалпы аянты 0,61 гектарды түзөт.
Долбоордун алкагында төмөнкү иштерди аткаруу пландалууда:
- маданий иш-чараларды өткөрүү үчүн аянтча куруу жана ага отургучтар менен таштанды урналарын орнотуу;
- кеңдиги 1,5 метр болгон асфальт-бетон каптамасы бар аллеяларды куруу, аларга отургучтар жана урналар орнотуу;
- аллеялардын айланасына бийиктиги 3 метр болгон жарык чырактарды орнотуу;
- жашылдандыруу иштерин жүргүзүү үчүн суу түтүктөрүн орнотуу.
- эки автоунаа токтотуучу жайды оңдоо.
Бул долбоордун негизги максаты - жергиликтүү тургундар жана коноктор үчүн ыңгайлуулукту жана коопсуздукту камсыз кылуу.
