Бишкек, 07.07.26 /Кабар/. Чүй облусунун Панфилов районунда жол инфраструктурасын жакшыртуу боюнча иштер активдүү жүрүүдө. Бул тууралуу Транспорт жана коммуникациялар министрлигинен билдиришти.
Маалыматка ылайык, 2026-жылга карата район аймагында жалпы 30 чакырым унаа жолуна асфальт-бетон төшөө пландалса, учурда анын 17 чакырымы толугу менен бүткөрүлдү.
Атап айтканда, төмөнкү жол тилкелеринде асфальттоо иштери аяктады:
- Чалдовар – Ровное – Киров унаа жолунун 7 чакырым тилкеси;
- Эфиронос – Тельман унаа жолунун 6 чакырым тилкеси;
- Партсъезд – Чорголо унаа жолунун 4 чакырым тилкеси.
Ошондой эле учурда Панфилов – Мяссовхоз – Чалдовар жана Панфилов – Орто-Арык унаа жолдорунда асфальт төшөө иштерине даярдык көрүлүүдө.
Министрликтен кошумчалашкандай, жолдорду жаңылоо иштери ведомствонун түз көзөмөлүндө жүргүзүлүп, белгиленген графикке ылайык уланууда.
