Бишкек, 06.07.26. /Кабар/. Бүгүн, 6-июлда Пакистан Ислам Республикасынын президенти Асиф Али Зардари Кыргыз Республикасына расмий сапар менен келди.
Президент Садыр Жапаров жогорку даражалуу конокту “Ысык-Көл” эл аралык аэропортунан тосуп алды.
Флагштокторго эки өлкөнүн мамлекеттик туулары илинип, килем төшөлүп, Ардак кароол ротасы тизилген.
Сапардын жүрүшүндө Кыргызстан менен Пакистандын лидерлери эки тараптуу кызматташтыктын актуалдуу маселелерин жана аны мындан ары чыңдоонун келечегин талкуулашат. Ошондой эле маданий иш-чараларга катышуу мерчемделген.
