Бишкек, 31.08.25. /Кабар/. Ош шаарынын мэри Жеңишбек Токторбаев бүгүн Кыргызстандагы Орус кызматташтыгынын өкүлү, Бишкектеги Орус үйүнүн жетекчиси Зульхарнеев Альбертти кабыл алды.
Муниципалитеттин маалыматына ылайык, шаар мэри эки тараптуу кызматташтыктын алкагында Ош шаарынын мэриясынын жаш адистери Россия Федерациясында өткөрүлгөн иш-чараларга катышып, эл аралык тажрыйба алмашууга түзүлүп жаткан салымы үчүн ыраазычылык билдирди.
“Эки тарап мындан ары да тажрыйба алмашуу, жогорку окуу жайларына кабыл алуу, ар тараптуу көмөк көрсөтүү багыттарында пикир алышты”,-деп айтылат маалыматта.
