Бишкек, 28.02.26. /Кабар/. Күн мурун Ош шаарынын мэринин орун басары Шумкарбек Пайзиев Япониянын Эл аралык кызматташтык агенттигинин (JICA) Кыргызстандагы өкүлдөрү Алелекова Светлана жана Матсумото Дайки менен жолугушту.
Мэриядан билдиришкендей, жолугушуунун алкагында Ош шаарынын Башкы планын иштеп чыгууга багытталган долбоорду ишке ашыруу мүмкүнчүлүктөрү каралып, JICA тарабынан аналитикалык изилдөөлөрдү жүргүзүүгө, техникалык жана эксперттик колдоо көрсөтүүгө көмөктөшүү жолдору талкууланды.
Шаар мэринин орун басары Ош шаарынын мэриясы үчүн Башкы план стратегиялык мааниге ээ болгондуктан, шаар куруу тармагында эл аралык тажрыйбаны жана заманбап ыкмаларды колдонуу абдан маанилүү экендигин белгиледи.
