Бишкек, 21.10.26. /Кабар/. Ош шаарындагы “Ак-Буура” жаңы конушунда 800 орундуу мектептин курулушу аяктоо алдында турат.
Курулуш министрлигинен билдиришкендей, долбоор республикалык бюджеттин эсебинен каржыланды. Архитектуралык долбоорго ылайык, мектепте окуу кабинеттери, лаборатория, китепкана, окуу залы, ашкана, компьютердик класс, дарыгердин бөлмөсү, жыйындар залы жана эл аралык стандарттарга жооп берген спорт залы бар.
"Имарат үч кабаттан туруп, жалпы аянты 8 339 чарчы метрди түзөт. Бүгүнкү күндө имараттын ички жасалгалоо жумуштары кызуу жүрүп, мектептин айланасын көрктөндүрүү иштери аткарылууда",-деп айтылат маалыматта.
