Бишкек, 16.10.25. /Кабар/. Ош облусунун Араван районуна караштуу Сырт айылында 150 орундуу жаңы мектеп курулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, объекттин тендердик баасы 109 млн сомду түзүп, республикалык бюджеттен каржыланууда.
Долбоор боюнча эки кабаттуу мектеп үч блоктон турат. Окуучулар жана мугалимдер үчүн имаратта бардык шарттар каралат.
Курулуш иштери Турак жай-жарандык курулуш департаменти тарабынан көзөмөлдөнүп, долбоорду “Перспект проект” ЖЧКсы ишке ашырууда.
