Бишкек, 05.02.26. /Кабар/. Ош шаарындагы №37 Г.Айтиев атындагы орто мектебине 225 орундуу кошумча окуу корпусунун курулушу башталды.
Муниципалитеттен билдиришкендей, иш-чарага катышкан мэр Жеңишбек Токторбаев жаңы корпус билим берүү сапатын жакшыртууга, окуучулар үчүн коопсуз жана заманбап шарттарды түзүүгө багытталганын белгилеп, курулуш иштерин өз убагында жана сапаттуу бүтүрүү керектигин айтып өттү.
Кошумча корпус пайдаланууга берилгенден кийин мектептеги орун тартыштыгы азайып, окуучулар үчүн кеңири жана ыңгайлуу шарттар түзүлмөкчү.
Курулуш иштери белгиленген графикке ылайык жүргүзүлүп, келерки жылдын сентябрь айында толук аяктап, пайдаланууга берүү пландалууда.
