Бишкек, 26.02.26. /Кабар/. Ош шаарындагы №7 А. Масалиев атындагы жалпы билим берүү мекемеси капиталдык оңдоодон кийин пайдаланууга берилди. Бул тууралуу мэриядан билдиришти.
Маалыматка ылайык, мектептин алдына мамлекеттик жана коомдук ишмер Абсамат Масалиевдин эстелиги орнотулду. Ошондой эле билим берүү мекемесинин имаратынын сырткы фасады, терезелери жана эшиктери толугу менен жаңыланды.
Белгилей кетсек, 2025-2026-окуу жылына карата аталган мектепте 134 класс-комплект ачылып, учурда 4615 окуучу билим алууда. Кыска мөөнөттө жүргүзүлгөн оңдоо иштери мектептин материалдык-техникалык базасын чыңдап, окуучулар үчүн коопсуз, жылуу жана ыңгайлуу шарттар түзүлдү.
Оңдоп-түзөө иштери республикалык бюджеттин эсебинен каржыланды.
