Бишкек, 29.12.25. /Кабар/. Күн мурун Ош шаарынын мэри Жеңишбек Токторбаев “Боорукердик” үйүндөгү балдардан жана карыялардан кабар алып, келе жаткан Жаңы жылы менен куттуктады.
Мэриядан кабарлашкандай, калаа башчы майрамдык белектерди, таттууларды тапшырды. Ошондой эле мекемеге 1 компьютер, 1 принтер белек кылды.
Мындагы карыялар мекемеде кызматтык унаага болгон зарылдык курч экенин белгилешип, маселени мэрге жеткиришти. Жеңишбек Токторбаев келерки жылдын башында кызматтык унаа берүүнү убадалады.
Эске салсак, “Боорукердик” үйүндө 43 бала жана 28 кары адам жашайт.
