Бишкек, 06.11.25. /Кабар/. Президенттин Ош облусундагы өкүлү Элчибек Жантаев Ош шаарындагы жогорку окуу жайлардын ректорлору менен жолугушуп, үгүт иштерине аралашпоону эскертти.
Өкүлчүлүктөн билдиришкендей, жолугушууда шайлоо мыйзамдарындагы акыркы өзгөртүүлөр тууралуу маалымат берилип, аны окутуучу жамааттарга туура жеткирүү зарылдыгы белгиленди.
Атап айтканда, мамлекеттик кызматкерлер, жогорку окуу жайлардын жетекчилиги, профессордук-окутуучулук курамы, мугалимдер жана тарбиячылар шайлоо учурунда үгүт иштерине катышууга тыюу салынгандыгы эскертилди.
Элчибек Жантаев бардык билим берүү мекемелеринде бейтараптуулукту сактоо жана мыйзам бузуу фактыларына жол бербөө маанилүүлүгүн белгиледи.
