Бишкек, 27.03.26. /Кабар/. 27–28-мартта Ош шаарында жол тейлөө ишканаларынын жетекчилери жана кызматкерлери үчүн кыска мөөнөттүү окутуу курсу өтүүдө. Бул тууралуу Транспорт жана коммуникациялар министрлигинен билдиришти.
Маалыматка ылайык, анда "Өндүрүштүк-инновациялык борбор" мамлекеттик мекемесинин кызматкерлери катышуучуларга жол чарбасын пайдалануу жана күтүү боюнча маалыматтар менен бөлүшөт.
Окутуунун максаты — жол чарбасында иштеген кызматкерлердин квалификациясын жогорулатуу, жол куруу багытындагы жаңы технологиялар менен иштөөнү үйрөтүү болуп саналат.
