Бишкек, 15.08.25. /Кабар/. Бүгүн Өзгөчө кырдаалдар министрлигинин Ош шаардык башкармалыгына керектүү куткаруу шаймандарын тапшырылды. Бул тууралуу муниципалитеттен билдиришти.
Шаймандарды шаар мэри Жеңишбек Токторбаев тапшырды.
Шаардык мэриянын эсебинен башкармалыкка мотопомпа, дрон, стабилизатор, өрт өчүрүүчүлөрдүн атайын кийими, байланыш каражаттары жана башка бир катар зарыл жабдыктар алынып берилди.
Бул шаймандар ар кандай өзгөчө кырдаалдарда жана тилсиз жоодон сактанууда пайдаланылып, калкка ыкчам кызмат көрсөтүүгө шарт түзөт.
