Бишкек, 08.07.26. /Кабар/. Жер титирөөгө туруктуу курулуш институтунун Түштүк филиалы Ош облустук клиникалык ооруканасынын D блогуна инженердик текшерүү жүргүздү.
Курулуш, архитектура жана турак жай-коммуналдык чарба министрлигинен билдиришкендей, текшерүү Увам көчөсү, 12В дарегинде жайгашкан имаратты заманбап перинаталдык борбор катары реконструкциялоо пландарына байланыштуу уюштурулду.
Адистер имараттын учурдагы техникалык жана сейсмикалык абалын аныктоо үчүн долбоордук документтерди изилдеп, негизги конструкциялык элементтерди ченеп чыгышты. Ошондой эле коопсуздукту баалоо үчүн зарыл болгон техникалык сыноолор өткөрүлдү.
"Текшерүүнүн негизинде институт тарабынан курулуштун сапаты жана имаратты кайра курууга мүмкүн экендиги тууралуу расмий корутунду даярдалып берилет",-деп айтылат маалыматта.
