Бишкек, 21.11.25. /Кабар/. Бүгүн Ош шаарынын мэриясына караштуу эски унаа токтотуучу жай капиталдык оңдоп-түзөөдөн кийин ачылды.
Муниципалитеттен билдиришкендей, аталган жай буга чейин каралбай таланып-тонолгон абалда турган.
Буга чейин мэр Жеңишбек Токторбаевдин демилгеси менен облустун балансындагы бул объект министрлер кабинетинин чечими менен Ош мэриясынын карамагына өткөрүлгөн.
Учурда гараж толугу менен жаңыланып, 100 пайыз өзгөртүлдү. Анда дарбазалары, тосмолору жаңыланып, айланасына асфальт төшөлүп, жаан-чачында суу өткөн чатыры жаңыланды.
Ошондой эле ичиндеги унаа жуучу жай, оңдоочу бөлмө, айдоочулар үчүн жуунуучу жай жана ажатканалар оңдоп-түзөлдү.
Бул иш-чара Ош шаарында муниципалдык кызматтарга жаңы техникалар жана кызматтык унаалар тапшырылып жаткан мезгилге туш келди.
