Бишкек, 07.10.25. /Кабар/. Бүгүн Ош шаарынын мэри Жеңишбек Токторбаев шаардагы бир катар муниципалдык мекемелерге кызматтык унаалардын ачкычтарын тапшырды.
Муниципалитеттен билдиришкендей, кызматтык автоунаалар төмөнкү мекемелерге берилди:
- Ош шаардык мэриясынын капиталдык курулуш башкармасы,
- Ош шаардык мэриясынын муниципалдык менчик башкармалыгы,
- Ош шаардык жолдор муниципалдык ишканасы,
- Ош шаардык маданият башкармалыгы,
- Ош шаардык муниципалдык инспекциясы.
Калаа башчы унаалардын берилүүсү муниципалдык кызматтардын ишин жеңилдетип, жарандарга көрсөтүлүүчү кызматтардын сапатын жогорулатууга өбөлгө түзөрүн белгиледи.
