Бишкек, 29.12.25. /Кабар/. Бүгүн Ош шаарынын мэри Жеңишбек Токторбаев “Ош шаарынын ички иштер башкармалыгынын ардагерлери” коомдук бирикмесине кызматтык унаа тапшырды.
Мэриядан билдиришкендей, калаа башчысы буга чейин Милиция кызматкерлеринин күнүнө карата ардагерлер менен жолугушуу учурунда жаңы жылга карата заманбап унаа белек кылууну убада кылган.
Бүгүн айтылган убадасын иш жүзүндө аткарып, милициянын ардагерлерине жаңы үлгүдөгү унаанын ачкычын тапшырды.
Мындан тышкары, аталган коомдук бирикменин ишмердүүлүгүн колдоо максатында Ош шаардык мэриясынын имаратынан бир кызматтык бөлмө да бөлүнүп берилди.
