Бишкек, 24.03.26. /Кабар/. Ош шаарындагы мектептердин аймагындагы дүкөндөрдө зыяндуу тамак-аш азыктарын сатууга тыюу салуу боюнча рейддик иш-чаралар башталды.
Муниципалитеттен билдиришкендей, анын алкагында санитардык-эпидемиологиялык кызмат тарабынан зыяндуу деп табылган азыктар сатуудан алып салынды. Бул чаралар мектеп окуучуларынын ден соолугун коргоо максатын көздөйт.
Белгилей кетсек, соода түйүндөрүнүн ээлерине жогорудагы талаптарды сактоо боюнча алдын ала эскертүүлөр берилген.
