Бишкек, 27.01.26. /Кабар/. Бүгүн Ош электр тармактар ишканасынын көмөк чордондор кызматынын Ош тайпасынын электр слесарлары үчүн курулган жаңы кызматтык имараттын ачылышы өттү.
Энергетика министрлигинен билдиришкендей, аталган объект кызматкерлердин иш шарттарын жакшыртуу жана заманбап талаптарга жооп берген ыңгайлуу жумуш ордун камсыз кылуу максатында курулду.
Курулуш иштери "Кыргызстан улуттук электр тармактары" ААК тарабынан каржыланды. Долбоордун жалпы сметалык баасы 7 млн 60,76 миң сомду түзөт.
