Бишкек, 19.11.25. /Кабар/. Ош электр тармактарында 35/10 кВ Речная жана Ош-7 көмөк чордондоруна 16 МВА трансформаторлор орнотулду. Бул тууралуу Энергетика министрлигинен билдиришти.
Маалыматка ылайык, мурда бул көмөк чордондордогу трансформаторлордун кубаттуулугу 10 МВА түзгөн.
Аталган трансформаторлор каскаддык метод менен алмаштырылды. Анын максаты жарандарды электр энергиясы менен туруктуу жана сапаттуу камсыздоо, ошондой эле тармактын ишенимдүүлүгүн арттыруу болуп саналат.
