Бишкек, 25.06.25. /Кабар/. Ош шаарынын мэри Жеңишбек Токторбаев дагы бир үч эмдин ата-энесине батир белекке берди.
Муниципалитеттен билдиришкендей, балдардын атасы Мырзабек Тороев Ош шаарындагы Ак-Буура милиция бөлүмчөсүндө эмгектенет.
Мэрдин буга чейин дагы үч эмге батир бергендигин угуп кайрылышкан. Анын негизинде тилеги орундалып, бүгүн 3 бөлмөлүү батирдин ачкычы тапшырылды.
Учурда үй-бүлөнүн бир кыз, үч уулу бар. Аларга Амантай, Эсентай, Эртай аттуу ысым ыйгарышкан, балдар 1 жаш 2 айлык.
