Бишкек, 07.07.25. /Кабар/. Ош шаарында Экономика жана коммерция министрлигинин колдоосу менен "Бир айыл – бир продукт" долбоорунун алкагында окуу борбору дүкөнү ачылды.
Ведомстводон маалымдашкандай, анын ачылыш аземине мамлекеттик органдардын, эл аралык уюмдардын өкүлдөрү катышты.
Белгиленгендей, мында жергиликтүү өндүрүүчүлөр үчүн окутуулар, тренингдер жана мастер-класстар өткөрүлөт.
Борбордун негизги максаты – ишкердик көндүмдөрдү өркүндөтүү, продукциянын сапатын жогорулатуу жана рынокторду кеңейтүү. Бул демилге аймактык экономиканы өнүктүрүүгө жана кыргыз өндүрүмдөрүн рынокко чыгарууга багытталган.
Экономика министрлиги мындай долбоорлорду колдоону улантат.
