Бишкек, 31.12.25. /Кабар/. Күн мурун Ош шаарынын мэри Жеңишбек Токторбаев “Алтын уя” үй-бүлөлүк балдар үйүнө барып, анда тарбияланып жаткан балдарды келе жаткан Жаңы жыл майрамы менен куттуктады.
Муниципалитеттен билдиришкендей, калаа башчысы балдар менен баарлашып, аларга майрамдык белектерин тапшырды.
"Алтын уя" үй-бүлөлүк балдар үйүндө жалпы 18 бала тарбияланууда.
Белгилей кетсек, мэр Жеңишбек Токторбаев жыл жаңыраар алдында Ош шаарындагы бардык балдар үйлөрүн кыдырып, балдарга таттууларды, оюнчуктарды берип, майрамдык маанай тартуулады.
