Бишкек, 20.01.26. /Кабар/. Бүгүн Ош шаарында "Асан-Үсөн" бала бакчасына кошумча курулган 100 орундуу имарат ачылды. Бул тууралуу мэриядан билдиришти.
Ачылыш аземинде шаар башчысы Жеңишбек Токторбаев 2025-жылы Ош шаарына республикалык бюджеттен мектептер жана бала бакчалар үчүн жалпы 1 млрд 300 млн сом бөлүнүп берилгенин маалымдады.
Бул бала бакчанын имаратынын эскилиги жетип, оор шартта иштеп келген.
Мэрдин тапшырмасына ылайык "Асан-Үсөн" бала бакчасына кошумча 100 орундуу жаңы, заманбап имарат курулду. Ошондой эски имараты да толук оңдоп-түзөөдөн өтүп, терезелери жаңыланып, фасады оңдолуп, балдар ойноочу аянтчалар жана отургучтар орнотулду.
