Бишкек, 03.09.25. /Кабар/. Ош облусунда "Ала-Тоо" породасындагы койлордун эл аралык көргөзмөсү өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, эл аралык кой көргөзмөсү Төлөйкөн ат майданында 7-сентябрда уюштурулат.
"Ала-Тоо" породасын өстүрүү ассоциациясы менен биргеликте өткөрүлүп жаткан көргөзмө “Ала-Тоо” породасын эл арасына жайылтуу жана экономикалык жактан пайдалуу мал чарбачылыкты өнүктүрүү максатын көздөйт.
Көргөзмөгө Азербайжан, Өзбекстан жана Казакстандан келген өкүлдөр катышат. Ошондой эле "Ала-Тоо" породасындагы койлорду баккан бардык фермерлер катыша алышат.
Иш-чаранын жалпы байгеси 3 млн сом.
