Бишкек, 22.04.26. /Кабар/. Ош шаарында 150 орундуу аскер госпиталынын курулушу башталды. Бул тууралуу Коргоо министрлигинен билдиришти.
Жаңы медициналык мекеме Куралдуу күчтөрдүн аскер кызматчыларынын жана алардын үй-бүлө мүчөлөрүнө сапаттуу медициналык жардам көрсөтүү максатында бардык заманбап талаптарга ылайык жабдылат.
Курулуш иштерин аяктоо жана объекти пайдаланууга берүү 2028-жылдын декабрь айына пландалууда.
Капсула салуу аземине катышкан коргоо министри Руслан Мукамбетов бул долбоор аскер кызматчыларынын социалдык камсыздалышын жакшыртууда жана аскердик медицинанын мүмкүнчүлүктөрүн кеңейтүүдө маанилүү кадам экенин белгиледи.
