Бишкек, 01.12.25. /Кабар/. "Ош" эл аралык аэропортунда жүргүнчүлөрдүн биринен мыйзамсыз ташылып келген 13,9 млн сомдук алтындар табылды.
Мамлекеттик салык кызматынан билдиришкендей, ташылып келген буюмдардын тиешелүү коштомо документтери жок болуп чыккан. Алтын буюмдардын арасында билерик, чынжырча жана сөйкөлөр бар.
Аталган мыйзамсыз алып кирүү фактысы боюнча тиешелүү актылар түзүлүп, мыйзамга ылайык чаралар көрүлөт.
Салык кызматы өлкө аймагында эсепке алынбаган жана контрабандалык товарларды жүгүртүү фактыларын аныктоо жана бөгөт коюу боюнча активдүү иштерди улантууда.
