Бишкек, 18.09.25. /Кабар/. Ош шаарында жалпы 5 гектар аянтты ээлеген жаңы "Келечек" базарынын курулуш иштери кызуу улантылып жатат. Бул тууралуу шаардык мэриядан билдиришти.
Белгиленгендей, соодагерлерди кыска убакыттын ичинде жаңы соода жайына жайгаштыруу пландалууда. Базар толугу менен ишке берилген соң, учурдагы "Келечек", "Бостон" жана мөмө-жемиштер базарларында иш алып барган соодагерлер жаңы жайга көчүрүлөт.
Жаңы базар 1300дөн ашуун соода оруну менен камсыз болот. Мындан сырткары, алтын жана зер буюмдарын сатуу үчүн атайын бөлүмдөр, акча алмаштыруучу жайлар, эки даараткана, эки ашкана жана кеңири унаа токтотуучу жай каралган.
