Бишкек, 05.03.26. /Кабар/. Ош шаарындагы Ак-Буура дарыясынын жээгиндеги 10 гектардан ашуун жерге сейил бак курулат. Бул тууралуу муниципалитеттен билдиришти.
Күн мурун шаар мэри Жанарбек Акаев тиешелүү мекеме-ишканалардын жетекчилери менен биргеликте дарыянын жээгине рейд жүргүздү.
Анда калаа башчысы дарыянын эки жээгин комплекстүү өнүктүрүү боюнча бир катар маанилүү тапшырмаларды берди.
Долбоордун алкагында 7 чакырым аралыкка веложол жана тротуар салуу, ошондой эле 10 гектардан ашуун аймакты көрктөндүрүп, жашылдандыруу пландалууда. Мындан тышкары, заманбап парк жана скверлерди куруу иштери колго алынат.
