Бишкек, 28.10.25. /Кабар/. Ош шаарына Кытайдын Синьцзян-Уйгур автономдук районуна караштуу Кашгар шаарынан делегация келди.
Муниципалитеттен билдиришкендей, эки тараптуу жолугушуу Ош шаарынын мэриясында болуп, Кашгар шаарынын мэри Вели Асим жетектеген делегацияны мэрдин биринчи орун басары Адилет Шаршеналы уулу баштаган тиешелүү өкүлдөр кабыл алды.
Жолугушууда тараптар жакындан таанышып, эки тараптуу кызматташтыкты талкуулашты. Ошондой эле боордоштук тууралуу келишимге кол коюлду.
Мындан тышкары, эки шаардын жеке ишкерлери да жолугушуп, өз ара кызматташуу боюнча макулдашышты.
