Бишкек, 08.03.25. /Кабар/. Бүгүн Ош шаарынын мэри Жеңишбек Токторбаев "Боорукердик" үйүндө жашаган апалардан кабар алып, 8-март — Эл аралык аялдар күнү менен куттуктады.
Муниципалитеттен билдиришкендей, аларга жана аялдар эмгек жамаатына гүлдөр менен белектерди тапшырды.
Жеңишбек Токторбаев "Боорукердик" үйүнүн имараты менен таанышып чыгып, жеке өзү тараптан колдоо көрсөтүлөрүн билдирип, зарыл болгон шарттарды түзүп берүү боюнча убадасын берди.
Аны менен бирге бул жерде тарбияланып жаткан балдар үчүн спорт аянтча, боз үйдү куруу, компьютерлер жана мектеп автобус менен камсыз кылуу боюнча тапшырмаларды берди.
