Бишкек, 22.08.25. /Кабар/. Ош шаарынын борбордук стадионунун кирүүчү бөлүгүндөгү жана каналдын жээгиндеги баш-аламан курулуштар бузулуп, айланасы заманбап талаптарга ылайык келтирилет.
Муниципалитеттен билдиришкендей, буга чейин стадиондун аймагы ар кандай курулуштар менен тосулуп келген.
Эми бул аймак тазаланып, шаардыктар үчүн ыңгайлуу, коопсуз жана эстетикалык чөйрө түзөт.
Ошондой эле эл аралык деңгээлдеги футболдук беттештерди өткөрүү үчүн стадион тиешелүү талаптарга жооп бере турган абалга келтирилет.
Бул жаңылануу — спортту өнүктүрүү, шаардык инфраструктураны жакшыртуу жана тургундарга ыңгайлуу шарт түзүү максатын көздөйт.
Эскиз долбоор Ош регионалдык шаар куруу жана архитектура башкармалыгы тарабынан даярдалган.
