Бишкек, 28.05.25 /Кабар/. "Кыргызстан аэропорттору" ААКсы "Ош" эл аралык аэропортунун долбоорунун видеосун жарыялады.
Маалыматка ылайык, аэропортто жаңы терминалдын курулушу башталды. Аэропорттун өткөрүү жөндөмдүүлүгү жылына 5 миллиондон ашык жүргүнчүнү түзөт.
Оштогу жаңы аэровокзал комплекси жер төлөсү менен эки кабат болуп курулуп, жалпы аянты 25 443 чарчы метр.
Эске салсак, үстүбүздөгү жылдын 14-февралында президент Садыр Жапаров “Ош” эл аралык аэропортунун жаңы аэровокзалдык комплексин куруу үчүн мезгил кутусун салган.
