Бишкек, 07.02.26. /Кабар/. Ош шаарындагы Масалиев көчөсүнүн инфраструктуралык түзүмү оңдолот. Бул тууралуу муниципалитеттен билдиришти.
Бүгүн Ош шаарынын мэри Жеңишбек Токторбаев тиешелүү мекеме-ишканалардын жетекчилери менен биргеликте Курманжан датка муниципалдык аймактык башкармалыгына караштуу Масалиев көчөсүндө кезектеги таңкы рейд жүрдү.
Рейддин жүрүшүндө шаар мэри аталган көчөнүн жол-жээктерин, тротуарларды, жарыктандыруу тутумун жана ирригациялык тармактарды оңдоо боюнча тиешелүү мекеме-ишканаларга тапшырма берди.
Тапшырманын алкагында аймакты көрктөндүрүү жана жашылдандыруу иштери да жүргүзүлүп, жарандар үчүн коопсуз жана ыңгайлуу шарттар түзүлөт.
