Бишкек, 25.04.25. /Кабар/. Бүгүн Ош шаарындагы Ага Хан мектебинде жыл сайын өтүүчү STEAM фестивалыныны ачылышы болуп, анын алкагында күндүн кубатынан электр энергиясын алуу системасы ишке киргизилди. Бул тууралуу муниципалитеттен билдиришти.
Иш-чарага Жогорку Кеңештин депутаты Жалолидин Нурбаев, билим берүү жана илим министринин орун басары Надира Жусупбекова, мэрдин орун басары Салтанат Аманова, Ош шаардык кеңешинин төрагасынын орун басары Ниязбек Нурбаев, Ага Хан фондунун жетекчилери катышты.
Иш-чаранын алкагында мектеп окуучулары окуу процессинде үйрөнгөн интерактивдүү тажрыйбалары жана идеялары менен бөлүшүп, илимий эмгектерин көрсөтүштү
Майрамдык иш-чара Ага Хан мектебинин окуучулары тарабынан даярдалган концерттик программа менен жыйынтыкталды.
