Бишкек, 05.06.25. / Кабар/. Ош шаарында жаңыланган №2 насостук станция ишке берилди. Бул тууралуу шаардык мэриядан билдиришти.
Жапалак айылдык аймактык башкармалыгынын айылдарын жана Кең-Сай массивин суу менен камсыз кылуучу жайынын №2 насостук станциясы толук капиталдык оңдоп түзөөдөн өткөрүлүп бүгүн, кайрадан пайдаланууга берилди.
Жаңыдан реконструкцияланган насостук станция менен шаар мэри Жеңишбек Токторбаев, шаардык кеңеш төрагасы Болот Баетов жана мекеме-ишкана жетекчилери таанышып, мүмкүнчүлүктөрүн көрүп чыгышты.
