Бишкек, 26.08.25. /Кабар/. Ош шаарынын А. Навои көчөсү оңдоп-түзөөдөн өткөрүлүп, пайдаланууга берилди.
Муниципалитеттен билдиришкендей, ачылышка мэр Жеңишбек Токторбаев, шаардык кеңештин төрагасы Болот Баетов жана жергиликтүү тургундар катышты.
Реконтсрукциялоо иштеринен кийин бул көчө 6 тилкелүү болуп өзгөрдү. Узундугу 2,6 чакырым, кеңдиги 26 метр.
Кыска убакытта жолдун эки тарабына жөө жүрүүчүлөр үчүн тротуар, лоток жана жарыктандыруулар орнотулат.
