Бишкек, 08.07.25. /Кабар/. Ош шаарынын Н.Исанов көчөсүндө жайгашкан "Россия нефть" май куючу жайы бузулду. Бул тууралуу муниципалитеттен билдиришти.
Учурда Н. Исанов көчөсүнүн жээгинде, Ак-Буура дарыясынын корук аймагына курулуп калган коммерциялык жана башка багыттагы курулуштарды алып салуу иштери жүрүүдө. Бузуу иштери "Россия нефть" май куючу жайынан башталды. Андан ары соода түйүндөр, унаа жуучу жайлар жана башка курулуштар алынып салынат.
Бошотулган жер аянттарынын ордуна Вахапов көчөсүнө чейин толук эс алуу аймагы курулуп, жашылдандырылат.
