Бишкек, 31.10.25. /Кабар/. Ош шаарында көп кабаттуу унаа токтоочу жай курулат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Шаар аймактарында унаа тыгын жана унаа токтоочу жайлардын жетишсиздиги күн сайын негизги көйгөйлөрдүн бири болуп келүүдө.
Бул маселени чечүү жана шаар тургундарына ыңгайлуу шарт түзүү максатында көп кабаттуу заманбап унаа токтоочу жай куруу боюнча долбоор иштелип чыкты.
Долбоор боюнча курулуучу унаа токтотуучу жай шаардын күн чыгыш тарабындагы Н. Исанов көчөсүндө жайгашат. Имарат жалпы 5 кабаттан туруп, 125 унаага ылайыкташкан.
Бул долбоордун эскиздик долбоору Ош регионалдык шаар куруу жана архитектура башкармалыгы тарабынан даярдалды.
