Бишкек, 31.07.25. /Кабар/. Ош шаарынын Касымбеков көчөсүндө жаңы эс алуу багы түптөлөт. Бул тууралуу муниципалитеттен билдиришти.
Шаар мэри Жеңишбек Токторбаевдин бүгүнкү таңкы рейддик кыдыруусунда көчөнү бойлой аккан "Жекелик" каналынын корук аймагына жана жашыл аймакка курулуп калган курулуштарды алып салуу боюнча эскертүүлөр бериле баштады.
Курулуштар алып салынып, каналдын жээги жана жашыл аймак бошотулуп, ордуна Раззаков көчөсүнөн баштап эс алуу багын куруу үчүн долбоор даярдалууда.
Азыркы тапта жеринде архитектура, муниципалдык менчик башкармалыгы тиешелүү жумуштарды алып барышууда.
