Бишкек, 07.10.25. /Кабар/. Ош шаарында төрт жаңы суу кампасы пайдаланууга берилди.
Ош мэриясынан билдиришкендей, ачылыш аземине калаа башчысы Жеңишбек Токторбаев жана шаар тургундары катышты.
Ак-Буура дарыясынын жээгинде, мурдагы эски бассейндин ордуна курулган бул суу кампаларынын жалпы кубаттуулугу 24 миң м³, ал эми жалпы аянты 5450,7 м² түзөт. Ар кандай себептерден улам суу берүү убактылуу токтотулган учурда, резервуардагы суу шаардын чыгыш бөлүгүнө жеткирилет.
