Бишкек, 12.03.26. /Кабар/. Күн мурун Ош шаарынын мэри Жанарбек Акаев ap тармакта иш алып барган бизнес өкүлдөрүнө жолугуп, ишкердикти өнүктүрүү маселелерин талкуулады.
Муниципалитеттен билдиришкендей, мэр өлкө башчысы Садыр Жапаров тарабынан коюлган милдеттердин алкагында Ош шаарына инвестиция тартуу багытындагы иштер күчөтүлүп жатканын белгиледи.
Жолугушуунун жүрүшүндө ишкерлер шаар башчысына өз сунуш-пикирлерин билдирип, ишкерликти жүргүзүүдө кездешкен айрым маселелерди көтөрүштү.
Шаар башчысы көтөрүлгөн маселелерди кароо жана ишкерлерге көмөк көрсөтүү боюнча тиешелүү кызматтарга тапшырмаларды берип, жолугушуулар мындан ары да үзгүлтүксүз уюштурулуп турарын билдирди.
