Бишкек, 20.06.25. /Кабар/. Ош облусунун башчысы Элчибек Жантаев Алай районунун Сары-Могол айылындагы көп балалуу үй-бүлөнүн жашоо шартынан кабар алды.
Өкүлчүлүктөн билдиришкендей, облус башчысы көп балалуу Нишанбай Алибаев жана жубайы Жумахан Адырахманова менен баарлашып, учурдагы негизги муктаждыктарын сурап, үй-бүлөнүн негизги көйгөйлөрү турак жайдын оңдолушу, кышка карата даярдык жана социалдык жөлөкпул маселелери белгиленди.
Облус башчысы жана укук коргоо органдарынын жетекчилери тарабынан үй-бүлөгө акчалай жардам көрсөтүлүп, кошумча белектер тапшырылды.
Мындан тышкары, жетекчилик тарабынан жергиликтүү бийлик органдарына социалдык кызмат көрсөтүүлөрдү күчөтүү, балдардын билим алуусу үчүн шарттарды жакшыртуу жана үй-бүлөнүн муктаждыктарын чечүүгө көмөктөшүү боюнча тапшырмалар берилди.
